تشکیک بالشدۃ والضعف

کسی ایک مفہوم کا اپنے افراد میں کمال ونقصان کے تفاوت یا علیت ومعلولیت کے فرق کے ساتھ پایا جانا، اگر افراد میں یہ تفاوت اولویت یاعدم اولویت کے لحاظ سے ہے تو ’’تشکیک بالا ولویت‘‘ ہے ، اگرافراد میں یہ تفاوت تقدم وتاخر کے اعتبار سے ہے تو تشکیک بالتقدیم والتاخیر ہے، اگرافراد میں یہ تفاوت شدت وضعف کی بناء پر ہے تو ’’تشکیک بالشدۃ والضعف‘‘ ہے، جملہ اقسام تشکیک کی مثال میں وجود کو پیش کیا جاسکتا ہے کہ وہ واجب میں اولیت، اولویت، اقدمیت اور شدت کے ساتھ نمایاں اور جلوہ گر ہے ، اور ممکن میں ثانویت، درجہ ادنیٰ، اخرویت اور ضعف کے ساتھ ہے۔